親愛的馬經理，好多謝你嘅關心。羊咩心情好好多喇，只係想整理吓先再報告你知。老友，知你忙嘛，又有工作嘅改變，羊當然唔會係又搵你，唔係又搵你啦！不過，真係想唔到，咁忙嘅你竟然記得羊嘅事，好感動呀！多謝你呀！

其實除咗馬婷，莎莉，王醫生，KAM，個個都好忙，但係都好記掛羊。講真，無你哋，之前兩個幾月，羊真係唔知點過㗎！千萬份嘅多謝都唔可以代表到羊嘅感激。只係寫到呢度，唔可以再寫落去嘞，因為羊眼前已經一片模糊啦！