又新一年喇!

Posted in 羊有咩感 | Leave a comment

當下的力量…

Posted in 羊咩書架 | Leave a comment

No.1 Squadron(1982/83) Reunion

失散咗三十年,我哋終於見番面喇!不過,Vincie 2019 年底退休番 Sydney,我哋要快啲再見多幾次!大家姐,快啲番來啦!

Posted in 羊有咩感 | Leave a comment

終於告一段落

上星期真係比兩老嚇死,不過,覆診無事就好啦。阿媽今次就超順利。1:15喺屋企出發,去到醫院大約1:40。剛喺G/F登記完上到三樓,護士就叫名,2:15就見陳以恩醫生,檢查完,問完晒問題,落到的士站都未2:40。本來的士司機都怕4:00交更唔夠時間,點知我哋落車都係3:10都未到,暢通到呢…

Posted in 羊有咩感 | 2 Comments

一個字:快!

Image | Posted on by | Leave a comment

嚇到個心離一離!

媽咪真係考驗我哋嘅受壓能力,隔幾年嚇我哋一嚇。今次又係跌親撞到頭,流血不止。好在有明姐,知道要叫救護車去醫院。X-RAY,MRI SCAN,慶幸都無事,不過要縫四針囉。趕到去瑪麗醫院,見佢仲好精靈,先放心一啲。唉,不過咁嚇一嚇都幾係㗎,心血少啲都唔知點算好。

睇完媽咪就到阿媽嘞。剛好意外當天阿媽隻眼要打第二針,上午睇完媽咪就交比老豆照顧,中午同羊細佬買啲野食就接阿媽去醫院。本來都順暢,點知打完針等咗一輪,護士話可以走嘞,阿媽不停話睇唔到,睇唔到,慘咯,慘咯…跟住我哋捉住醫生問,要求再次檢驗隻右眼。其中一個帶眼鏡白白淨嘅楊女醫生驗完就話一啲事都無,好正常嘅狀況,態度一般,無同理心囉。阿媽超嬲,發抆憎,發晒脾氣(我哋嚇一跳㗎,咁大個都未見過)…之後再搵個第二個女醫生,眼大大,棕色皮膚嘅VIKKI,睇多次眼底,眼角膜等等。都係話無不正常狀態,唔應該睇唔到,又話無野做到,佢都用咗啲時間慢慢解釋嘅,不過我哋實在唔係太接受,大家都僵持咗一陣,無奈都無解決辦法,唯有等第二日覆診先再問醫生啦。好在,到食完晚飯番到屋企,阿媽隻眼好似好啲,睇清楚咗。真係要拍拍心口,擔心得我吖。

第二日覆診都順順利利,仲好好彩彩咁,遇上麥兆婷醫生,係義眼專科,可以幫阿媽睇埋左眼,原來係整傷咗,發炎。

終於,事件簿可以暫時收起…。下星期兩老覆診先再算嚕。

Posted in 羊有咩感 | Leave a comment

聚舊(二)

星期五見完Loretta,今日又見Betty!媽咪仲好記得佢喎,一次係羊細佬幼稚園畢業喺大會堂;一次係明愛賣物會。不過,見羊細佬反應,好似印象唔深。又難怪嘅,佢得四,五歲?哈哈,成三十年無見,都仲係一樣樣。希望臨走前,可以再見多次啦,唔係又要幾年後先有機會再見。

Posted in 羊有咩感 | Leave a comment