Tag Archives: 三個小神仙

三個小神仙返嚟喇… 昨晚，好在有羊細佬提示，如果唔係錯過區瑞強既節目嘉賓：鄭丹瑞，林姍姍。經已有好多好多年無聽過姍姍現場唱歌啦，仲係咁正；連阿旦既”Sweet Heart Tree”都出乎意外地好好聽。正陶醉在佢哋既音樂中，同時又開始可惜聽完今次之後，又要好耐好耐無機會聽佢哋節目。阿旦突然透露話，希望搞個聚會，打算喺嚟緊嘅 11月 5日喺紅館搞兩場「 3小神仙吹唱會」。最可惜，係”三缺一”聚會…另一位小神仙何嘉麗，因為目前係九巴企業傳訊部嘅主管，為咗唔想同工作有任何衝突所以就婉拒參與。 唔理喇，雖然羊話過唔再聽演唱會，不過今次點都要破例。仲要兩場都去添如果可以既話。三個小神仙陪伴羊咩成長，真係好懷念… 聽吓呢段先啦 : “三個小神仙” 慈善唱家班-天各一方-小神仙版 (感謝聽眾錄下呢段節目，讓我們可以重溫!)