Tag Archives: 金庸

好犀利呀，三個大俠嘅神態出晒嚟！

吓？歐陽克變情聖？嗯，有啲奇怪囉。小說話明佢係好色之徒，明明鍾意黃蓉嘛，依家竟然只為左九陰真經而提親？仲要鍾情穆念慈？！咁落去，連”壓鬼島”劇情都可能改埋？！唔得㗎噃…歐陽鋒仲奇，對歐陽克都唔好，只係想要九陰真經。唉，錯晒…

最近，又見到有新改編嘅射鵰英雄傳電視劇上映，身為金庸小說迷，禁不住好奇，又試吓睇。估唔到又有新發現：射鵰英雄傳嘅楊康竟然會係好人。 小說裡面，楊康係貪圖富貴，嬌生慣養，一直放唔低小王爺嘅身份。今次卻來一個大轉變：佢竟然放下尊嚴，同穆念慈一齊街頭賣藝，賺盤纏到牛家村，安葬父母親於家鄉。甚至，面對完顏洪烈多次引誘，都堅持楊鐵心遺願：做個頂天立地嘅楊家將後人。當然，最後都經不起歐陽克多番設計陷害，楊康終於要屈服，變成小說裡的壞蛋，承接射鵰以後嘅劇情。不過，內裡卻是有苦衷：假裝走投無路，並且自殘而投靠完顏洪烈，不顧所有人誤會、唾罵、放棄，到最後親手殺死他，為父母報仇。 製作人係香港知名嘅李國立。一直，無論係小說或電視劇，射雕英雄傳內，郭靖同楊康嘅角色都有明顯分輕重。然而，呢次楊康被加重戲份，有十幾集幾乎同郭靖平分春色。 呢幾場戲，令楊康變成不一樣嘅楊康。 (1) 楊鐵心和包惜弱沒有死在王府，反而與楊康，穆念慈，郭靖，黃蓉一起過一段日子。在這裡，楊康學得真正楊家槍; 從父親處，了解自己是楊家將後人，流著同樣的熱血; 和父親有共同秘密：因可憐郭靖沒有父親傳授絕技，楊父憑記憶，轉授郭氏戟法，明白自己比郭靖幸福。 (2) 和郭靖兄弟情，黃蓉鬥咀等情節，由抗拒到接受，再到感情加深。 (3) 楊康親眼看見父母親被金兵追殺，中箭倒地…