Tag Archives: SPSS

祝士多啤梨，生日快樂，身體健康，無憂無慮！

羊其實係好衝動，只係多數時候元神出竅，好多時回過神來，事情已經過去。。。嗯，”凡事都要停一停，諗一諗”；朋友之間，係唔應該理所當然，就算係老友，都要深思體諒。羊，太過一廂情願，知道自己令老友唔開心，真係萬分之對不起！羊會好好自省一下。 JK, 多謝您再一次嘅寬容！羊，下次唔會㗎嘞！

今次喺第二次上好朋友家裡作客。原本開開心心喺銅鑼灣坐的士，不過唔知係咪位司機先生手車呢，老友返到屋企就有啲唔舒服。羊本來以為要叫外賣，點知老友大廚竟然支持到煮咗一碟鮮味到極百頁豆腐，一碟超好味嘅蝦仁炒蛋，一煲愛心靚湯，仲有，仲有，香噴噴嘅薑蒜爆西蘭花帶子！碟碟都係羊心頭好！犀利！羊超愛您呀，老友！ 不過，最開心，當然係老友無事之餘，我地仲可以無邊際地傾偈，無聊地播歌，羊仲多個娛樂，就係睇人地鬥嘴，勁好笑！係會心微笑…好耐無咁樣喇，十年？八年？老友，多謝你哋呀！ PS. 喂，喂，喂，您要快啲習慣吓我地嘅雜亂無章嘅溝通方式喇！嘻嘻。