嘻嘻，終於同老師相認喇。實際上，我都無特別相認，只係放學之後留下問問題，點知老師話有啲熟口熟面，問羊咩：我哋係咪認識。咁羊咩咪話我係工聯會學生囉。之後，仲無端端講起大家都係福建人添。嘿嘿!! 羊咩仲現場示範幾句福建話以表正貨。原來老師係晉江縣人…有緣份，有緣份…

我估老師都有七十歲，但係啲記憶力強得驚人。老師話佢十幾歲學中醫，所以啲中藥、方劑、針灸、穴位…咁熟。唉，羊咩咁老先學中醫，唔知會唔會堅持得到呢？

今次部 iPAD2 用唔着添！可惜！可惜！其實，可以自己做筆記最好！