原來有十八個月無去牙醫度，今日一到診所就比姑娘問到口啞啞，尷尬死。其實唔係想逃避，真係唔記得嘛。無論如何，今晚又修理左三隻牙，鐘醫生話如無意外，可以一年檢查一次。而且，羊咩刷牙刷得唔錯，可以自己處理，所以免洗牙嘞，正！因為羊咩最怕啲磁磁聲，打晒冷震…其實牙醫好辛苦，幫羊咩由七點四十五分做到八點半，之後仲有兩個洗牙，分分鐘要九點先收工。LM 仲想約即日八點，真係開玩笑，唔係個個鍾意即興咕喎，更何況咁夜，醫生、姑娘都要休息㗎嘛，係咪？