星期六，終於都開始左太極班嘞。雖然前一晚既紅酒令羊咩一整天都頭赤赤，不過都支持到…（唉，下次點都要問清楚酒來自何方，真係唔講得笑。其實，如果可以，羊咩真係唔想再飲酒咯，得不償失。）

一小時既教學，用左一半做熱身，剩下時間就教左兩式：1、預備式 2、太極起式。不過只係太極式站立都好難，練習左成五分鐘: “預備式身體正直站立，兩腳分開大約有一拳頭空間，兩膝微屈，腳尖外撇。周身放鬆，澄心斂神。兩臂自然下垂，緊貼兩大腿外側，縮肚含胸，下頷微收。” 老師話要練習站立，有咁耐得咁耐。

仲有FOOTWORK，即係下盤，都練到腳軟…”身體重量緩慢下落於右腳，右膝微屈落實，使左腳成虛，腳跟略上提。左腳提起，向左平移一步，腳跟下落點地，左腳尖慢慢向右九十度移，重量依然放在右腳。未練得十分鐘就已經腳震震…. . . 今次弊傢伙嘞!