今早一覺醒來，精神竟然唔錯。以為昨晚成兩點先瞓，今日一定好累，原來仲好好地。羊咩唔敢飲太多啲香檳，飲左兩小口咁…反而紅酒就飲左一杯多啲。不過 KAM 就可能飲多左香檳，有啲上腦，唔知今日點呢？

“小團圓” 個名就幾親切，可惜唔多適合羊咩口味。不過，其他人食得開心，點都值得一試！昨晚係其中一位五月之星 AMI 嘅生日晚飯。環境確實唔錯，又有卡拉OK提供，當然少不了JK既表演啦。不知不覺唱夜左，好在 AMI 都可以陪唱一陣。其實羊咩真係唔多識唱歌，來來去去都係CARPENTERS，AIR SUPPLY，LAM 同譚詠麟…嘻嘻。JK就犀利，新、舊、快、慢歌都難唔到佢，我地既三項鐵人嘛。講真，好多事情都難唔到佢。唉…如果真係無事難到佢就天下太平啦。

朋友，如果您有探訪羊咩，都知連咁乏味既羊，都可以遇上好多有趣既人同事。世界咁大，仲有好多值得您既關注。放開啲，人地點諗，由得人地啦，最重要，自己活得自在，活得心安理得，係咪？

大家一齊努力，加油！