前晚為左安置好新買嘅書（不知不覺，又一大疊嚕），唯有再收拾吓個書櫃。執執吓見到自己1991年寫嘅日記，忍唔住又睇左少少。嗯，都唔算有大反應…點講呢，有輕輕發過夢咁囉。本來想掉左佢，不過裡面又唔只得 W ，仲有羊咩其他嘅生活，朋友，工作…二十年前嘅事噃，自己都唔記得啦。諗諗吓，都係捨不得…雖然有開心，唔開心，但係，都係一個個回憶。

唉，點好呢？羊咩仲有幾本厚厚嘅日記簿，好唔好一次過掉左佢呢？