複雜,不複雜?!

262668_483557605028334_319560394_n有朋友問,點解羊咩咁喜歡聽嘉嘉嘅節目呢?聽來聽去都不外如是,同其他DJ無咩大分別。其實,羊咩都唔係好肯定㗎,由細聽到大,有尐情意結係無可否認。不過,我地始終係差不多年代,對人對事嘅睇法,價值觀點都有尐相似,容易有共鳴嘛。

例如:「複雜是你自己覺得,若你個人不複雜到哪裏都不複雜。」好一個出污泥而不染的何氏理論。羊咩都好同意,唔係麻木同意㗎,而係羊咩都有同樣經驗。有人嘅地方,就有是非,羊咩信㗎;不過,任何事到羊咩度,就會無左,因為羊聽完就算,唔會記得,亦唔會再講,咁咪簡單得多囉。人們一次問唔到,再問又唔知,咁咪自然唔會再問。

可以話羊咩唔關心,不過,如果事情唔太嚴重,朋友又處理到,係咪可以比尐空間呢?畢竟,(莊子.山木)說:”君子之交淡如水,小人之交甘若醴。君子淡以親,小人甘以絕。彼無故以合者,則無故以離。” 君子的交誼淡得像清水一樣,小人的交情甜得像甜酒一樣;君子淡泊卻心地親近,小人甘甜卻利斷義絕。大凡無緣無故而接近相合的,那麼也會無緣無故地離散。

在現在這個時代,如果將密度用一到十來做分類的話,其實君子之交,也應該是五到六之間密度的聯繫方式,古老的中庸之道係最棒的。自然,自在嘅距離,又唔太黏嘅界線嘅最好,友情唯有細水長流,才能長久!淡淡的,最適合羊咩,係咪?

About Ellen 羊, 阿羊, 羊咩, lamblamb, 大頭羊, ellen lamb, Ellen Young

喜歡的人可以每天對他笑,討厭的人連看都懶得看一眼。
This entry was posted in 羊有咩感 and tagged , , . Bookmark the permalink.