其實好一段時間無再買飯盒返公司食，一來想唞唞氣，行下; 二來好怕其他人問來問去…寧願自己搵間舒服啲嘅餐廳，安安靜靜食個午飯。

今日見啲同事們，一早就出晒去食午飯；心血來潮，不如食吓飯盒。買完返去，行行吓望見遠處嘅大廈，突然想起好耐好耐以前，羊咩差不多每星期都有一，兩天買午餐由灣仔坐巴士到中環交易廣場食，當然有”人”相伴。

事情像昨日發生一樣，依然清晰無比。羊咩明明記性差㗎，又會忽然咁清楚，想點呀！

唉…真係無用，小小事情就觸動情緒！