同同學傾電話，發現原來大家都有少少誤會。其實，羊嘅”有感”只係為抒發吓自己感受，並無任何假設性想法。人唔係應該改進咩？諗諗吓，明白自己嘅不足、無知，就唔會為以前嘅事而耿耿於懷喇嘛。

事情可以應用喺好多情況：家人，同學，朋友…。最重要係，令自己認識、了解自己嘛。旁觀者清，係真咕喎！當自己見到，原來咁咁咁樣，或者好小好小嘅動靜，都會令人唔開心，甚至傷心，羊就會記得提醒自己唔好咁做。雖然無得實習，不過知道都好過唔知。雖則，羊都無幾個朋友要遷就，大多數都認識幾十年，不過，可以改善都幾好吖？！