羊並唔係歧視強國人，不過，佢地啲言行舉止，真令人難堪。話說，有日羊喺港式餐廳食午飯，唔算係廉價餐廳㗎嘞。羊點完餸就係度等啦，咁等等吓就聽到隔離枱個阿太（都幾斯文，成個退休老師咁樣）同佢個朋友（都差不多打扮）又講又嘆氣，香港啲公民教育做幾多，做幾好都提昇唔到人嘅質素。跟住，羊就循佢地嘅視線望過去，嘩，唔望仲好，一望胃口倒晒。有個廿幾歲嘅男仔，都幾端正㗎，仲睇緊本好厚簡體書，應該係啲財務科目。不過，佢一邊睇書，一邊腳印印，一邊…”X” 腳指呀！死未！咁都未夠，之後嚟咗盤雞翼，佢…佢用隻加料手進食呀！然後，佢竟然又用同一隻手放一隻雞翼喺佢朋友嘅碟度！

唉，無論以前做得幾好，一下子啲大陸移民就衝擊晒啦。教啲小朋友要有禮貌，要有衛生，要禮讓，要排隊；但係眼見”啲人”一入車廂就幾乎瞓響度霸晒啲位，大人見到都好困惑，何況小朋友？！羊其實超認同兩位嘅見解…不過，我哋只係小數民族，可以點吖？