星期六打完波，做完物理治療，本來諗住去太古誠品行吓街，點知收到CARMEN信息，同事發哥已經過世！個一刻，真係唔敢相信，但係CARMEN絕對唔係亂講野嘅人。羊，立刻打番電話問清楚…原來，係心臟病發。前一日仲精精神神同CARMEN食飯，第二日就走咗！…生命真係脆弱。諗吓計吓，原來都識咗發哥十九年！定過神之後，就將消息話比大佬知，話晒佢地都係煙友。聽完，佢只係不停咁話，”太年輕，太年輕。。。”

發哥，RIP。