一直以為每個人無論喺有人，或無人嘅時候都應該一樣表現。但係，事實上，原來大部分人只會喺識得嘅人面前有禮貌，有禮儀。咁，算唔算係偽人？

羊對小朋友咁無愛心，一定唔算係心地好嘅人，不過，見到老人家，搬緊重件嘅人，傷殘人仕，一定會讓路同開門等埋囉。當然，羊絕對唔係僅有嘅，除咗一啲比較奇特嘅人，大部分上年紀嘅人都有讓人嘅意識。反而依家啲人，有路自己行先；門開咗，攝入就算，連用手推一推都嫌。尤其是啲廿幾三十歲年輕父母，喺小朋友面前都係咁，一啲都唔懂得禮讓。唉，咁樣嘅身教，第日個社會都唔知係咩野人主理。