失蹤人口？哈，羊一直都喺度，點會係失蹤呀？做咩野？瞓覺，番工，食飯，打波，飲茶，做物理治療，玩新玩具囉…。雖然遲早會無波打，不過，時候未到。打得幾耐咪幾耐囉，無得打至算啦。儘管詛咒羊吧！無有怕喎！都打咗十幾年波，係時候要停，咪停囉，無野係永遠嘅。羊除非盲咗，唔係，有書可以睇嘅！仲有，仲有歌可以聽，有電視，電影可以睇…。

羊唔係唔搵朋友，不過，事實，人人都有自己事情嘛。自己搞得掂，就唔使搵人啦。羊又唔需要訴苦嘅，安安靜靜咪幾好。羊有同朋友食飯，飲咖啡，打波，做運動，無自閉！王醫生，無搵你係我唔好，不過，無事喎，啲時間咁寶貴，留番比你自己輕鬆吓啦。羊有記掛你㗎，唔係點會買本”街市書”呀，總之，在心中啦！羊知道自己事，對住羊咁悶，無謂要你搵話題講啦。當然，如果你想搵人演講吓，羊又好樂意做聽眾嘅！