睇來睇去，都係TVB 1983年版射鵰英雄傳嘅郭靖黄蓉比較順眼！

83版翁美玲版黃蓉，將黃蓉古靈精怪又帶點任性的小姑娘演得似模似樣；黃日華版的郭靖方臉寬肩，傻憨執著又一身浩然正氣，係最好嘅郭靖。清麗、演技一般的94朱茵版黃蓉慧黠有餘可惜太多擠眉弄眼，有啲適得其反; 張智霖的郭靖，除了多了小酒窩，眼神亦精靈咗啲，憨厚之餘少了郭靖應有傻氣。

內地周迅版黃蓉相比其他年紀大咗啲，不過逆齡嘅臉孔加上一個靈氣和俏皮眼神，羊就覺得周迅係最自然嘅蓉兒。金庸曾評價：周迅最符合他心目中的「黃蓉」形象，稱讚其「聰慧，嬌美」。李亞鵬演的郭靖卻只係扮蠢，唔太令人信服。

08胡歌版的郭靖，臉型從方變長，身材由魁梧轉頎長，無論如何呢個郭靖係英俊咗啲…;林依晨版黃蓉太過清純，只可以講不過不失。

當然，1976年米雪嘅黃蓉可能係最好嘅，不過，羊無睇過，無得比較。但係，76年嘅郭靖，單睇造型就唔係好得囉！