都唔知點解，大部份嘅書局都要上落樓梯。羊自從整親隻腳，都成幾個月都無去過書局。有好有唔好嘅:買少啲書，唔使迫到成間屋都係書；不過，幾個月無行，又心思思喎。所以囉，見呢個星期有啲啲好轉，就去一趟天地。本來就僅僅諗住行一轉，點知又減價喎，又送優惠券，又送九折咭，唔買好似又過唔去喎。最終都係買咗亦舒兩本散文集，抵睇過小說嘛。