今日三號風球，啲雨時大時細，真係估計唔到。本來唔想出去食午餐，不過，老同學由加拿大番來，特登幫羊買咗啲補充品比家人，當然要見一見啦。本來一手一袋，一手一把遮，大雨都無問題，點知行行吓，個紙袋成個底穿咗，8、9樽補充品跌晒落地！一時間真係倒瀉籮蟹咁！ 好在，羊見到有CIRCLE K 喺後面，唯有唔理啲野，走入店買個塑膠袋啦。點知店員話唔可以咁賣㗎喎。羊剛諗緊買咩好，正好有個人比錢買野，竟然同店員話佢要個膠袋，然後就比咗羊，仲唔收羊錢!（雖然羊都無零錢喺身）羊當堂感動到呢！好人，多謝您呀！所以，羊成身濕晒，心情都好好囉！香港仲有好心人㗎！