羊對啲爭權爭寵嘅宮廷劇真係無興趣,又嘈又煩,加上要多啲休息,所以最近都無開電視機。當然,除咗早上同黃昏嘅新聞報導。
有時候,真係唔到羊唔信,好多事發生都係有因有由,有時有序。如果唔係整親,只可以瞓喺床休息,羊都唔會晚晚用eBook Reader睇書、iPAD睇網劇打發時間。亦唔會知「白淺」原來係咁紅咕喎,又多產,電視、電影、真人記錄片、微電影都有。剛剛六月就有新古裝武俠片「扶搖」上,呢個幾兩個月,真係靠睇狐小冪嘅戲過晚上嘅兩個幾鐘。雖然佢真人把聲的確係與別不同(唔係一般嘅聲調),不過,羊都係喜歡真人原音多過專業配音。可惜,中國啲大製作都用後期配音。