今日飲完茶，送完阿媽地，就喺永安中心等一號巴士番屋企。本來準備開耳機聽歌，點知突然聽到把好熟嘅聲音。初初以為自己幻聽，跟住見到個好熟悉嘅背影喺前面等緊一號。好奇心之下，羊開始探頭探腦，望清楚吓。哇哇哇，原來係BETTY WONG呀！羊禁不住，上前一拍，真係佢喎！自從大學離開加拿大，都無聯絡咯！三十年？嚇死羊咩！

剛剛今朝經過維多利亞公園，先見到明愛賣物會，都有諗起中學同啲同學帶羊細佬去玩嘅情景…。其中就係有Betty嘞！原來佢啱啱先喺美國番來幾日，約咗星期五好好坐低傾偈。