Tag Archives: 佘詩曼

嘩…..今集 (第十六集) 超緊張……好緊張，好緊張，好緊張! 真相即將揭曉…HAZEL知道真相後會點呢？! 林保怡…做得令人好心寒，人性的最黑暗一面…有一幕鼓佬轉嘅嗰個天使擺設，帶出一個天使在轉變、變臉…鏡頭一向上就見到保怡超級詭異既笑容… 編劇道出真假難分的世界, 更加帶出人性潛伏內心黑暗面，世界上無全小人、無全君子。 最後，結尾發現真相嘅佘詩曼以一個眼神，在一個吵鬧的Rock and Roll作背景，以一吵一靜，表達了那種沈重的打擊！ 聽翻之前HAZEL既獨白聲帶： 『人是很奇怪的動物，每個人都是獨立的個體，但是又會互相影響，然後在不知不覺中成長、改變、成長、再改變、但是每個人改變的方向都不同，走的路也不一樣。 有人會選擇積極向上發憤圖強，有人會選擇開開心心、馬馬虎虎就行，以前熟悉的好朋友，到了今天會變成一個你曾經熟悉的陌生人，人會改變，整個世界正在改變。 但是難道要接受人會改變，就不再去執著，他原來是一個怎麼樣的人。如果連我們也放棄去堅持關心，那我們將來怎麼樣對下一代說，怎麼樣去面對，這個每一秒都在改變的世界？ 人是很奇怪的，始終都要無可奈何地去接受改變這個事實。…..』 亞Yan安慰Katie那段時空交錯的剪接, 在Katie身上, 亞Yan看到了以前的自己, 今天亞Yan已能安慰昔日的自己(大小亞Yan的對話) 九十九枚金幣

天與地。依家都做左三個星期，其實又真係幾好睇噃。都唔會唔明吖，不過就要睇電視，唔可以聽電視囉。同埋要專心一啲睇，不能夠又打機，又上網，又講電話…雖然講人食人就血腥一啲，不過大部分劇情都正常既。情懷浪漫，手法俐落，對白精警，主角好戲，幾好呀。羊咩完全唔介意間唔時出現所謂既金句… “…this city is dying, you know？ 一句講述香港沉淪的對白，卻是近日港人的口頭禪，說到底，不外乎是說出不少小市民，放大市民認為一代不如一代、社會文化愈來愈單一的聲音，社會只以錢論成敗。” “…蛇宴、人肉錄音機、 而家D後生嘅有邊個夠專業嘎？ : 區議會選舉剛過去不久，隨即出現種票風波；林瑞麟民望低處未算低，卻升職平步青雲；市民肚內一股怨氣，電視對白正好反映心聲..」兩年前的製作，但劇中提及的社會現象及問題依然能產生共鳴，原來社會問題一直無解決…” 老實講，除左故事吸引，如果唔係呢一班演員，羊咩又唔會咁專心睇，因為無論係主角或者配角都係一流。今次之後，都無咁容易咁齊人嚕。要好好欣賞…係呀，佘詩曼攞左 2011 (Asian TV Awards) 亞洲電視最佳女主角！ 林保怡又係 2010 (Asian TV Awards) 亞洲電視最佳男主角! 勁爆未！ 戚其義啲戲都係沈重啲，間中一部都可以既，咁先多元化嘛。總好過永遠後宮呀，爭家產呀，誤會呀…呢啲一部起，兩部止就好啦。 天與地，加油！