Tag Archives: 吃

本來朋友嘅生日係十二月中，不過臨近聖誕節又多節日，實在太忙，唯有推遲到十二月最後一個星期六。 難得朋友今次有要求，羊咩當然有心機尐要揾間好嘅食。今次揀嘅係德記潮州菜館，係同事小陳介紹的，食物和價格都好合理，就係西環地方遠了點。不過以朋友們嘅評語，佢地經已盤算幾時再嚟！ 我地三個人叫左: 炸蠔餅（難得有茄汁，羊咩唔再計較係咪熱氣嚕），鵝肉（羊咩就喜歡鵝片多啲，啖啖肉嘛。），魚湯浸菜心 (本來想食豆苗，不過落單時唔記得左，就聽部長介紹試菜心啦，結論：麻麻。)，鳳尾魚，潮州炒魚麵，胡椒豬肚湯(熱騰騰的一碗，分量唔多，辣辣地，羊咩都飲左兩大碗。)，鹹檸七，芋泥 (芋泥就甜左尐，三個人分就剛剛好)。仲有個甜點係廚房做多左，唔知叫咩三寶，羊咩都未食過嘅，有芋頭，有蕃薯，有白果，花生碎…都幾好味。 嗯，唔知為食”王”食過未呢？羊咩同JK應該唔介意食多次嘅，嘻嘻。

今年好特別，羊細佬提議去誠品茶室食冬至飯。 其實都估食品唔會多選擇，不過連尐食物，飲品質素都係言過其實。羊細佬選擇一個鵝油雞肉燉飯，羊就點一個蕃茄意粉。鵝油雞肉燉飯看樣子不錯, 但其實食唔出有鵝油之外, 雞肉亦比較熟左尐! 而羊嘅蕃茄意粉份量亦少得可憐! 羊杯咖啡一般過一般；細佬杯杏仁朱古力又無杏仁味。好在，服務都算唔錯，環境又舒適，餐晚飯都可以慢慢享受，都好耐無試過可以咁靜靜食餐飯囉。依家無論酒樓／餐廳都無處唔嘈啦。不過，都係個句：嚟一次就夠咯。

終於，星期日午飯同細佬去左傳說中嘅蛋包飯。環境唔錯，服務都好好，個蛋包飯煎得好薄，不過尐飯就…，尐蛋甜甜地，好似有調味…。羊咩食左牛肉蛋包飯，濃味都情有可原，不過細佬個純粹蛋包飯外加三件吉列魚，佢都話濃。嗯，都係試一次還心願就夠。 絕世蛋包飯，to be continued…