原來羽毛球班係咁嘅！昨晚終於上咗第一堂 20:00 至 22:00，一共有八個學生，兩個場，一個教練。呢班唔係初級水準，教練一開始就要兩個兩個對打成二十分鐘熱身，之後先一組組咁教技巧…當中有三、四個應該係打咗一段時間，唔知係唔係高手?

其實，都無諗住個教練會花費好多時間喺一個學生身上，不過昨晚又教得幾平均：兩個一組咁教，都有十五，二十分鐘㗎。總之，有人同羊咩打波，又唔使自己張羅場地，幾好喇！HKD960 : 12小時，經濟實惠！如果次次都可以喺跑地就完美嘞！