其實，諗真尐，羊咩唔適合人多嘅環境。百分百怪羊！羊咩認自我左尐，羊都唔介意比人話古怪嘅，都慣啦。羊真係唔容易相處… 最好不需要理會和照顧其他人，想吃便吃，想睡便睡，想睇書就睇書，十分隨心，十分享受。只是在心情有波動就麻煩尐，然而羊屬於自我收復型，發洩完，無事嘅！ 不過，每一次見到老朋友，感覺倒真好。不需要刻意熱身或者找個話題，什麼都可以分享，舒服。

不過，前一排朋友話羊咩唔喜歡”人”。前幾日又同同事討論過，大家都一致認為羊咩係鍾意動物多過人。所以，唔喜歡同人做朋友囉。基本上，羊唔反對嘅。講過成千次喇，羊寧願奉行君子之交，淡如水；都唔想同”人”太親密。有時候，太親密會令人容易過左條警戒線，之後…。

羊係唔鍾意睇啲管理學，經濟學或者同商業有關嘅東西。不過都唔代表羊唔懂、唔明白。羊以前考過成本會計學，成績都見得人㗎！有啲事，唔係要做過老闆先識，喺香港邊個都知買資產係好過租用地!只係，唔係個個人都喜歡高調做人嘅！

弘一大師: 事不可做盡，言不可道盡。
　　學一分退讓，討一分便宜；增一分享用，減一分福澤。
　　以淡字交友，以聾字止謗；以刻字責己，以弱字禦侮。