幾經努力，終於揾到新改編笑傲江湖睇。係喇，又有新版，不過今次唔同在有陳喬恩，點都要支持吓嘅。女神仲要飾演改左性別嘅東方不敗，再唔係揮刀自宮嘅日月神教教主！成套戲其實唔算吸引，只係加入東方不敗同令狐沖嘅若有若無嘅感情戲，令人好奇，究竟一套武俠小說會變成點樣。

想當年，徐克《笑傲江湖之東方不敗》，為我們演繹了一個因為修煉《葵花寶典》而變成不男不女的東方不敗和令狐沖之間的恩怨情仇，經已有啲顛覆劇情，不過總算點到即止。

然而，呢套劇毅然背棄一切旗幟，東方教主以女人的身份，做埋恒山派儀琳姐姐，引起了金庸粉一片嘩然。而她和令狐師兄二人之間纏綿悱惻堪比初中生早戀的愛情歷程，更是出淤泥而不染，以不敗的小清新形象勃起於江湖之上，傲視武林！

另外，儀琳絕對是所有版本的《笑傲江湖》中，裝扮得最美的小尼姑。因為，恆山派尼姑全都帶髮修行的，那滿頭青絲，那耳垂上的裝飾物，仲靚過小師妹，問你驚未？！

其他嘅改動仲有，例如：田伯光原來係受情傷而成為淫賊；任我行有個靚妻子；林平之亞爹變成錦衣衛指揮使林震南…比較”沖東戀”，都已經變得唔重要！

當然，金庸粉對《笑傲江湖》的二次改編十分無奈，首輪播出的《笑傲江湖》已經七零八落，成套瓊瑤劇咁。不過，收視又高到估唔到！天呀！